بسم الله نبدي اليوم بعلمكم طريقة معكرونه الجبن اللذيه بالمشروم وما ابي منكم الا دعوة حلوه لي ولولدي الله يحفظه قولو امين
*المقادير :-
1- كيس معكرونه يفضل اللي اتيج ملونه وعلى اشكال.
1-1ونص عليه كريمة كي دي دي.
1-كيس صغير جبنة الموزاريلا.
1-علبه مشروم مقطع.
1بصله مفرومه .
2فص ثوم مدقوق عدل.
فلفل بارد مقطع وجزر مبشور حسب الرغبه.
ملح وفلفل حسب الرغبه.
مكعب ماجي .
1\2 علبه معجون طمام .
القليل من زيت الذرة للحمسة.
*الطريقة:-
نسلق المعكرونه في ماء مغلي مضاف له ملح وزيت الذرة حتى النضج وعقب تشخلينها بالمشخال.
بجدر نظيف نحط شوية زيت ذرة ونحمس البصل والثوم وعقب انضيف له الخضروات مع البهارات ومكعب الماجي والكريمة واول ما يبدي يطبخ نضيف نصف علبه معجون الطمام ونخليه شوي على نار هادية.
ونيب المعكرونه ونحطها على الخلطة مالتنا ونخلط .
وعقب نحط المعكرونه في بايركس ونرش عليه جبنة الموزاريلا بالتساوي وندخلها الفرن عشان يتحمر الوجه.
وبالعافيه
